Avokati Ardian Bajraktari ka bërë të ditur se ka pranuar opinionin e Institucionit të Avokatit të Popullit lidhur me vendimin e Zyrës së Rregullatorit për Energji (ZRrE), që kishte miratuar shtrenjtimin e çmimit të energjisë elektrike.

Sipas Bajraktarit, në përfundimet e këtij institucioni konfirmohen pretendimet e ngritura në padi dhe në kërkesën për sigurimin e saj, duke vërtetuar se vendimi i ZRrE-së është marrë në kundërshtim me ligjin.

“Vendimi është marrë me shkelje ligjore. Këto përfundime janë dëshmi për pasojat e mëdha dhe në formë zinxhirore. Prandaj, pezullimi i zbatimit të vendimit për shtrenjtimin e energjisë elektrike është i nevojshëm”, ka shkruar Bajraktari në një postim publik.

Ai shpreson se konstatimet e Avokatit të Popullit do të shërbejnë si argumente shtesë për institucionet përgjegjëse, në mënyrë që të reflektojnë lidhur me këtë çështje që ka prekur drejtpërdrejt qytetarët.

Postimi i plotë:

Sot, kam pranuar opinionin nga Avokati i popullit, lidhur me vendimet e ZRrE-së për shtrenjtimin e energjisë elektrike

Nga sa mund të shihet në përfundimet e Institucionit të Avokatit të Popullit, qartazi konfirmohen edhe pretendimet tona të cekura në padi dhe propozimin për sigurimin e padisë.

Vendimi është marrë me shkelje ligjore, këto përfundime janë dëshmi për pasojat e mëdha dhe në formë zingjirore, prandaj, pezullimi i zbatimit të vendimit për shtrenjtimin e energjisë elektrike është i nevojshëm.

Shpresoj që këto përfundime, përkatësisht, konstatime të rëndësishme të jenë argumente shtesë për reflektim nga ana e institucioneve përgjegjëse përkitazi me këtë çështje.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!