Sipërfaqja dëborës në Grenlandë filloi të bëhet në mënyrë të konsiderueshme më pak reflektuese nga rrezatimi diellor që prej vitit 1996, thotë një studim i ri, njofton tabloidi anglez The Guardian.

Në të njëjtën kohë, temperaturat verore në Grenlandë janë rritur në një shifër prej rreth 0.74 gradë celsius për një dekadë, çka ka shkaktuar shkrirjen e akullit në sasi më të madhe.

Studimi parashikon se reflektimi në sipërfaqen e akullit- siç njihet ndryshe albedo – do të bjerë me 10% ose më shumë deri në fund të këtij shekullit, në këtë mënyrë do të shkaktojë shkrirjen e mëtejshme të akullit, raporton Insajderi.

“Rritja e temperaturave ka promovuar edhe më shumë shkrirjen, dhe se shkrirja është duke e zvogëluar reflektimin e diellit”, tha Marco Tedesco nga Universiteti i Columbias në SHBA.

Ai po ashtu u shpreh i shqetësuar me këtë masë të madhe dhe të hovshme të shkrirjes së akullit në Grenlandë.

“Është shqetësuese sepse në qoftë se shtresa e akullit vazhdon të bëhet e errët, ajo do bëhet më e ndjeshme për ngrohjen atmosferike”, shtoi Tedesco.

Hulumtimi i Tedescos tregon se aq sa shkrihet sipërfaqja e akullit në Grenlandë, papastërtitë e vjetra, të tilla si pluhuri nga erozioni fillojnë të shfaqen dhe e errësojnë sipërfaqen.