Kryetari i Partisë Demokratike të Kosovës, Kadri Veseli, thotë se partia e tij nuk e ka telashe për të shkuar në zgjedhje të jashtëzakonshme.

Sipas tij, PDK-ja është e përgatitur, bazuar në atë se është paria më e madhe dhe më e organizuar në vend.

“PDK-ja, si partia më e madhe dhe më e organizuar në vend, natyrisht se është e gatshme gjithmonë për zgjedhje”, ka thënë ai, shkruan Epoka e re.

Por për të ardhur deri te kjo, Veseli ka thënë se duhet të ketë marrëveshje politike.

“Zgjedhjet duhet të vijnë si rezultat i një marrëveshjeje të përbashkët politike. Ne duhet të mësohemi që t’i respektojmë afatet e rregullta kohore të zgjedhjeve, ta respektojmë vullnetin e qytetarëve dhe Kushtetutën e vendit”, ka shtuar ai.

Megjithatë, ai thotë se “duhet të mendojmë më tepër se çfarë duhet të bëjmë pas zgjedhjeve”.