Akuzat e deputetit të LDK-së, Anton Quni, në drejtim të kreut të Kuvendit, Kadri Veseli, dhe presidentit Hashim Thaçi, nuk i kanë pëlqyer Veselit.

Quni ka thënë se e ka vazhduar karrierën politike duke u bërë deputet i Kuvendit të Kosovës sepse dëshiron t’i shohë prapa grilave Kadri Veselin dhe Hashim Thaçin.

“Të gjitha ato mjerime që ia keni shkaktu qytetarëve të Kosovës, të gjitha ato shantazhe, të gjitha ato maltretime më bëjnë që të jem ende në Kuvendin e Kosovës, derisa t’ju shoh juve prapa grilave se aty e keni vendin”, ka thënë Quni.

Por Veseli nuk pati shumë vullneti t’i përgjigjet në Kuvend akuzave të tij.

“Nuk e di a fole si profet a po si hero, por për këto çka fole kur dush dhe si të dush bisedojmë”, tha Veseli./Insajderi.com