Një vetaksident me fatalitet është regjistruar mbrëmjen e së enjtes në Malësi të Madhe.

Si pasojë, vozitësi 21-vjeçar ka humbur jetën.

Sipas policisë vetaksidenti ndodhi në aksin rrugor “Koplik-Dedaj”, ku shtetasi Gjeto Gjonaj, 21 vjeç, banues në fshatin Reç, duke drejtuar automjetin e tij, dyshohet se ka humbur kontrollin mbi drejtimin e automjetit dhe për pasojë automjeti ka dalë nga rruga.

Grupi hetimor po punon për sqarimin e rrethanave të aksidentit.