Instituti Demokratik i Kosovës ka njoftuar të premten se janë vetëm katër deputetë të Kuvendit të Kosovës të cilët kanë qene pjesëmarrës në të gjitha seancat e kuvendit.

Deputetët Ali Sadriu dhe Synavere Rysha nga Lidhja Demokratike e Kosovës dhe Fadil Beka e Mexhide Mjaku nga Partia Demokratike e Kosovës janë deputetët e vetëm që nuk munguan.

Kryetari i Kuvendit të Kosovës, Kadri Veseli, ka kritikuar më herët deputetët që sipas tij nuk janë të përgjegjshëm në kryerjen e detyrave të tyre.  Ai kishte thënë se ka deputetë të cilët vetëm vijnë për t’u nënshkruar që kanë marrë pjesë në kuvend dhe pastaj lirojnë sallën.  Këtë e bëjnë sipas tij vetëm për të marrë honorarin./Insajderi.com