Dora që dikur i mbante mitralozin e lehtë në frontin e luftës së fundit në Kosovë, sot grumbullon kanaçe për ekzistencë.

Kjo është rutina e veteranit të UÇK-së, Veli Morina nga Gllareva e Klinës që nga viti 2010.

53 vjeçari që në kushte të jashtëzakonshme përballoi armikun, me shumë vështirësi po lufton varfërinë në kohë paqeje.

Fytyra e lodhur nga sfidat e jetës edhe më tutje nuk po njeh dorëzimin.

Por dëshpërimi është pjesë e pandashme e punës së tij që krahas mundit të madh nuk paguhet.

E kur flitet për eksperiencën e tij si ushtar i Brigadës 113, Mujë Krasniqi, Morina së pari veshi uniformë që e rikthen 23 vite pas sa gëzonte këtë epitet.

Ky i fundit ka të gjitha dokumentet e mundshme që vërtetojnë se ishte veteran e madje nga ajo kohë gëzon disa foto.

Pavarësisht që çdo ditë përballet me kushte të vështira për jetesë, pishman për pjësmarrjen luftë nuk është aspak, e madje nga distanca përshëndet protestën e organizuar nga bashkëluftëtaret e tij.

Për gjithë këtë situatë ky i fundit fajëson Qeverinë.

Veliu jeton në një strehë që nuk plotëson as kushtet minimale për jetesën e një familjeje 4 anëtarëshe.

Të rrezikuar nga dukuritë natyrore, e në mungesë të plotë të komoditetit Veli Morina i cili është një nga çlirimtarët, kërkon ndihmën e të gjithë atyre që kanë mundësi

IN Promo Marketing

Kompleksi JONI – Jetë e qetë në zemër të “Prishtinës së Re”

VIPA sjell risi në treg: MAXI tashmë i disponueshëm me dy shije të reja

KESCO prezanton oferta të reja për bizneset në tregun e hapur