Lëvizja Vetëvendosje nuk është konsultuar fare nga Aleanca për Ardhmërinë e Kosovës për caktimin e datës së protestës së 14 majit.

“As nuk jemi konsultuar dhe as nuk kemi biseduar mes vete për këtë”, thuhet në një njoftim të Vetëvendosjes.

Vetëvendosje beson se veprimet e pakoordinuara rrezikojnë të dobësojnë përpjekjen opozitare.

“Kosova ka nevojë për protesta dhe ato do të ndodhin pashmangshëm. Por protestat duhet të jenë të organizuara mirë dhe të mbahen në kohën e duhur. Veprimet e pakoordinuara rrezikojnë ta dobësojnë përpjekjen opozitare dhe të rezultojnë me protesta jo mirë të organizuara dhe jo të fuqishme e masive”.

Protesta e tri partive opozitare që u anulua më 26 mars pritet që të mbahet më 14 maj, porse kësaj radhe data e protestës është caktuar vetëm nga Aleanca për Ardhmërinë e Kosovës.

Kjo parti ka njoftuar se ka caktuar këtë datë pas konsultimeve me forumet partiake, dhe ka thënë se do të konsultohet edhe me partitë e tjera opozitare në mënyrë që protesta të bëhet sa më masive./Insajderi.com

IN Promo Marketing

KESCO prezanton oferta të reja për bizneset në tregun e hapur

Numërimi i ditëve ka filluar – më 3 Tetor zbulohet fituesi i madh

Meridian Express për ditëlindjen e 13-të, dhuron 10,000 € për kampanjën “Biblioteka e Fëmijëve në Pallatin e Rinisë”