Lëvizja Vetëvendosje ka zhvilluar një aksion simbolik para qeverisë së Kosovës, ku ka shpalosur një hartë për siç thuhet për të treguar lokacionet se ku janë përdhunuar gratë e burrat në luftën e fundit në Kosovë.

Nol Nushi nga Vetëvendosje, ka thekuar se këto dhunime kanë qenë të organizuara si pjesë e operacioneve ushtarake të Serbisë, krime këto për të cilat askush nuk u dënua, raporton Insajderi.

“Harta tregon një ndër krimet më të rënda të shtetit serb karshi popullit të Kosovës në luftën e fundit. Emrat që shihen në hartë janë lokacionet ku gjatë luftës së fundit janë përdhunuar 20 mije gra dhe vajza si dhe burra e djem. Dhunimet kanë qenë të organizuara si pjesë e operacioneve ushtarake të Serbisë. Gati 20 vite pas luftës, asnjë ushtarak i Serbisë nuk është dënuar apo nuk është në proces gjyqësor për këtë krim”, tha Nushi.

‘’Qeverisa e Kosovës po zvarrit qe dy vite procedurat për te drejtat ligjore të të mbijetuarve të këtij krimi makabër. Ky ligj për këto viktima u miratua me shumë vështirësi e pengesa nga Qeverisa dhe mazhoranca parlamentare e legjislaturës paraprake’’, theksoi Nushi./Insajderi.com