Rreth orës 22:30 të së enjtes, një veturë është përfshirë nga zjarri në parkingun nëntokësor të një objekti në rrugën “Ukshin Hoti” në Prishtinë.

Nuk raportohet për të lënduar, përveç dëmeve materiale që ka shkaktuar zjarri.

Zëdhënësi i Policisë, Agron Borovci, ka konfirmuar për Insajderin se menjëherë pas raportimit, policia kanë dalë në vendin e ngjarjes. Po ashtu, zjarrfikësit janë angazhuar dhe kanë lokalizuar flakët.

“Aktualisht, policia ka nisur ndërmarrjen e veprimeve hetimore për sqarimin e plotë të rrethanave që karakterizojnë ngjarjen”, ka thënë Borovci.