Në aksin rrugor Bajram Curri-Valbonë dhe Qafë Mali – Fierzë brigadat e mirëmbajtjes po vijojnë punën për pastrimin nga inertet pas shkarjeve të dherave, si rezultat i reshjeve të dendura të shiut në ditët e fundit.

Autoriteti Rrugor Shqiptar njoftoi sot se puna po vijon me pastrimin e plotë të urave e tombinove të bllokuara nga materialet e sjella nga reshjet.

“Reshjet e ditëve të fundit shkaktuan rënie të mëdha të inerteve në trup të rrugës në segmentin Bajram Curri-Valbonë dhe Qafë Mali- Fierzë. Pas pastrimit të menjëhershëm të karrexhatës sot ka filluar puna për pastrimin e plotë të urave e tombinove të bllokuara nga materialet e sjella nga reshjet”, informoi ARRSH/ATSH.