Policia e Kosovës ka njoftuar për një vjedhje të rëndë që ka ndodhur në Prishtinë, ku është vjedhur një kasafortë nga shtëpia e një viktime mashkull kosovar.

Sipas raportit të Policisë, ngjarja ka ndodhur më 3 shkurt 2025, në rrugën “Kosturi” në Prishtinë.

Në kasafortën e vjedhur ndodhej një pistoletë dhe tre karikatorë me nga 15 fishekë secili, të cilat i përkisnin viktimës, e cila kishte leje për armën.

Policia e Kosovës ka nisur hetimet për rastin dhe po vazhdon me veprimet e nevojshme për të identifikuar dhe ndaluar autorët e vjedhjes.

Rasti është nën hetim.