Gjigandi gjerman Volkswagen zbuloi Golf GTI TCR, një version ligjor i makinës i frymëzuar nga modeli i garës.

TCR është e vendosur në mes të Golf GTI Performance dhe Golf R, që mundësohet nga një motor me katër cilindra 2.0-litërsh që zhvillon 290 kuaj fuqi, ose 45 kuaj fuqi më shumë se një GTI e rregullt, dhe 10 kuaj fuqi më pak se versioni R i Golf, transmeton KosovaPress.

TCR përshpejton për 5.6 sekonda nga 0 deri 100 km në orë dhe ka një shpejtësi maksimale prej 260 km/h.

Çmimi fillestar i Golf GTI TCR në Gjermani është 38,950 euro dhe paketat shtesë të pajisjeve kushtojnë 2,350 dhe 3,200 euro.