Kryetari i Nismës, Fatmir Limaj i cili nga zgjedhjet e 9 shkurtit fitoi 3 ulëse në Kuvendin e Kosovës nuk e përjashtoi mundësinë e bashkëpunimit me Lëvizjen Vetëvendosje të Albin Kurtit.
Ai tha se është i gatshëm të ulet me këdo që e thërret në tavolinë, por vetëm për interes nacional, përfshirë Kurtin.
Pas kësaj deklarate të Limajt ka reaguar partneri i tij në koalicion, Ramush Haradinaj.
“E keqja ka emër – Albin Kurti”, ka shkruar ai në Facebook.
Theksojmë se bazuar në rezultatet e deritanishme nga Komisioni Qendror i Zgjedhjeve, nga lista e AAK-së dhe Nismës, 5 deputetë do t’i ketë AAK-ja: Ramush Haradinajn, Daut Haradinajn, Time Kadrijajn, Bekë Berishën e Lahi Brahimajn, e tre deputetë Nisma: Fatmir Limajn, Arbreshë Krasniqin e Xhevahire Izmakun.
/Insajderi
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
