Deputeti i LDK-së, Arben Gashi, ka deklaruar se Lëvizja Vetëvendosje, si partia e parë, duhet të propozojë kandidatin për kryetar të Kuvendit dhe të ofrojë zgjidhje për ngërçin në konstituimin e tij.

Ai tha se procedura e votimit mund të ndryshohet përmes një mocioni për anashkalimin e rregullores, që më pas votohet nga deputetët.

Gashi theksoi se cenimi i rendit kushtetues dhe rregullave është i dëmshëm për të gjithë, veçanërisht për partinë fituese të zgjedhjeve.

Postimi:

I pari në rezultat, i vetmi me të drejtë për të propozuar, por edhe i pari në obligim për të ofruar zgjidhje.

Në lidhje me procedurën e votimit në seancën konstituive të Kuvendit, ritheksojmë se kjo procedurë është vendosur në mbledhjen përgatitore të zhvilluar sipas Kushtetutës dhe Rregullores, nga Kryesia e legjislaturës paraprake. Çdo ndryshim i saj mund të bëhet vetëm përmes një mocioni procedural për anashkalimin e Rregullores së punës së Kuvendit, dhe pastaj të miratohet me votim për procedurën e re. Një mocion i tillë do të ishte obligativ për të gjithë deputetët që të marrin pjesë në votim.

Vazhdimi i përpjekjeve për të anashkaluar procedurat dhe për të cenuar rendin kushtetues dhe rregullat e miratuara, është i dëmshëm për të gjithë skenën politike pa dallim, por veçanërisht për partinë që ka dalë e para në zgjedhje. Sepse i pari në rezultat, është jo vetëm i pari në të drejtën për të propozuar, por edhe i pari në obligimin për të respektuar rregullat dhe Kushtetutën, si dhe për të ofruar zgjidhje.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!