Mesditën e sotme, RENEA ka “blinduar” zonën e Lanës në Tiranë, aty ku u ekzekutua biznesmeni 66-vjeçar, Behar Sofia. Forca të shumta policie kanë mbërritur në vendngjarje.

Gjithashtu bëhet e ditur se nën masa të rrepta sigurie është çuar te vendi i krimit edhe ekzekutori, 24-vjeçari Ernejt Shyti. Ky i fundit  pritet të ndërtojë gjithë skemën e vrasjes që tronditi kryeqytetin.

Shyti ndodhet në vendin e ngjarjes për të treguar se si ka vepruar për vrasjen e biznesmenit.  Ai ka thënë se e ka hedhur në Lumin e Lanës armën e krimit dhe për këtë arsye forcat e RENEA-s po kryejnë kërkime brenda lumit.