Një ngjarje e rëndë është regjistruar në fshatin Pirg të Maliqit, ku një 14-vjeçar mbeti i vrarë pas një konflikti mes të miturve. Policia e Korçës ka arrestuar 8 persona në lidhje me këtë krim që ka tronditur opinionin publik.

Në pranga ka përfunduar 14-vjeçari autor i dyshuar i vrasjes, i cili, sipas Policisë, tentoi të largohej nga vendngjarja me automjet menjëherë pas kryerjes së krimit.

Po ashtu janë arrestuar edhe babai dhe xhaxhai i autorit të dyshuar, të cilët dyshohet se kanë fshehur mjetin prerës (thikën) me të cilin u krye krimi.

Pjesë e të arrestuarve janë edhe 4 të mitur, që ndodheshin në vendin e ngjarjes dhe të cilët, sipas Policisë, “nëpërmjet deklarimeve të dhëna kanë tentuar të pengojnë zbulimin e së vërtetës.”

Në mesin e personave të ndaluar është edhe një 34-vjeçar, që ndodhej në vendin e ngjarjes dhe që, ashtu si autori i dyshuar, tentoi të largohej me të njëjtin automjet.

“Materialet procedurale iu referuan Prokurorisë së Korçës, për veprime të mëtejshme”, lexohet në njoftimin e policisë.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!