Mbrëmë në rrugën Deçan-Junik, përkatësisht në fshatin Voksh një person është sulmuar me kallashnikov derisa ishte duke lëvizur me veturën e tij.

Rastin e ka konfirmuar edhe Policia e Kosovës.

Zëdhënësi i policisë për rajonin e Pejës, Driton Rugova tha se nuk ka persona të lënduar përveç dëmeve materiale.

“Me datë 13.05.2024 rreth orës 21:20, Policia është informuar nga viktima se ne rrugen Deçan-Junik në fshatin Voksh, deri sa ishte duke qarkulluar në këtë rrugë i njejti nga person/a, të panjohur është gjuajtur me armë zjarri në drejtim të tij, në veturen e viktimës, janë shkaktuar dëmë por fatmirësisht nuk ka pasur persona të lenduar. Me urdhër të Prokurorit të shtetit rasto cilësohet Vrasje në tentativë,”, tha ai për Insajderin.