Një ngjarje e rëndë është regjistruar në Londër, ku një 21-vjeçar shqiptar është vrarë me thikë në Honuslou.

Top Channel duke iu referuar mediave angleze, mëson se viktimë e sulmit me thikë ka mbetur, Renato Geci.

Lidhur me këtë krim, policia ka arrestuar një 31-vjeçar i cili dyshohet se vrau me thikë shqiptarin, si dhe një vajzë 27 -vjeçe e cila akuzohet se ka ndihmuar autorin e krimit.

Ngjarja e rëndë ka ndodhur të hënën rreth orës 03:22 të natës. Policia gjeti të plagosur, Renato Gecin si dhe një tjetër person. 21-vjeçarit shqiptar iu dha ndihmë mjekësore por nuk mundi që të mbijetojë.