Presidenti i Serbisë Aleksandar Vuçiq ka pretenduar se “ndalimi i hyrjes së ministrit Sarçeviq në Kosovë ishte një shenjë e dobësisë dhe se autoritetet Kosovare janë vazhdimisht në panik” dhe se “Serbia askujt nuk i ka bërë asgjë”.

“Ne financojmë shkollat ​​tona në Kosovë dhe paguajmë rroga të larta për mësimdhënës dhe do të vazhdojmë ta bëjmë në të ardhmen”, ka thënë ai.

Ai më pas iu referua përvjetorit të 5 tetorit dhe artikujve të mediave dhe deklaratave të politikanëve nga ajo periudhë.

“Ka shumë njerëz në Serbi, shumë politikanë dhe përfaqësuesit e tyre të mediave të cilët gjithë veprimtarinë e tyre mediatike e kanë mbështetur në të kaluarën. Të cilët jetojnë në vitet nëntëdhjeta dhe që vazhdimisht duan të fajësojnë dikë për ato vite të vështira. Nga deklaratat e shumicë prej tyre, madje edhe të atyre që tradhtuan 5 tetorin dhe plaçkitën në ato vite, mendojnë se dikush do t’i kthejë ata në pushtet, dhe këtë askush nuk do ta bëjë, sepse populli ata nuk i do”, ka deklaruar Vuçiq./Insajderi.org.