Me të ateruar në Beograd, kryeministri shqiptar Edi Rama është pritur nga ministri Ivica Daciq, ndërsa pas aeroportit është nisur në një darkë me homologun e tij, Aleksandër Vuçiq, me të cilin kanë darkuar për më shumë se 3 orë.

Siç raporton korrespodenti i Top Channel në Beograd, Idro Seferi, kryeministrat serb dhe shqiptarë, Edi Rama e Aleksandër Vuçiq do të takohen nesër në  mëngjes në orën 09:00 dhe më pas në orën 11:00, në kuadër të Samitit të Nishit.

Situata në Beograd është e qetë dhe duket se rrugëve nuk ka shumë forca sigurie. Megjithatë, për këtë duhet të pritet dita e nesërme.

Bëhet fjalë për një takim të rëndësishëm rajonal, pasi liderët e Ballkanit bashkë me ata europianë do të diskutojnë për sigurinë në rajon.

Kryeministri Rama, ndër të ftuarit më të rëndësishëm, do të bëjë hapjen e samitit dhe më pas do të takojë homologun Aleksandar Vuçiç në selinë e qeverisë së Serbisë, për të vijuar më pas me shqiptarët e Preshevës.

Politikanë nga ky rajon do të vijnë në Beograd për të diskutuar problemet e tyre më të rëndësishme gjatë vizitës së kryeministrit shqiptar, i cili më pas do të niset për në Forumin e Biznesit në Nish.

Gjatë qëndrimit në Serbi, Rama do të promovojë edhe librin e tij “Kurban”, ndërkohë që nuk do të ketë një konferencë për shtyp ndryshe nga vizitat e tjera.

Në tërësi, mesazhi i këtij samiti pritet të jetë për një bashkëpunim rajonal më i fuqishëm, gjë e kërkuar edhe nga SHBA dhe BE./Insajderi.com

Kosova mes takimit të “dy shqiponjave”