“Greqia po na siguron se nuk do ta njohë Kosovën”, ka deklaruar presidenti i Serbisë Aleksandar Vuçiq dhe ka shtuar se ditëve në vijim pasojnë “konsultimet e mëdha dhe të rëndësishme në lidhje me Kosovën”.

I pyetur në lidhje me spekulimet se Franca mund të marrë “stafetën” në lidhje me dialogun midis Kosovës dhe Serbisë, Vuçiq ka thënë se “për këtë do të bisedohet në ditët në vijim”.

“Do të flas në ditët në vijim. Është e rëndësishme për ne që të mbrojmë interesat tona kombëtare dhe shtetërore dhe për gjithë këto, në ditët në vijim”, ka thënë Vuçiq.

Sipas fjalëve të tij, do të ketë konsultime të mëdha dhe të rëndësishme në Beograd, dhe pastaj pritet edhe vazhdimi i dialogut në Bruksel.

I pyetur në lidhje me pretendimet se Franca mund të propozojë një marrëveshje të përkohshme sipas së cilës veriu i Kosovës do të fitonte autonominë dhe KOS-i një status i veçantë, në këmbim të njohjes së Greqisë dhe liberalizimit të vizave për Kosovën.

“Mund të flasim për të në ditët në vijim. Unë nuk do të flisja paraprakisht dhe para se të dimë diçka”, është përgjigjur Vuçiq.

Ai shtoi se ka pasur disa ndryshime në marrëdhëniet midis Athinës dhe Prishtinës.

“Unë pres të shoh, pasi që ka pasur disa ndryshime në marrëdhëniet, a është thjesht një zyrë tregtare ose ka një pikë interesi midis Prishtinës dhe Athinës. Do të shohim se si do të shkojë, kështu që do të informojmë publikun”, ka thënë Vuçiq.

Në lidhje me “spekulimet” se Greqia mund të njohë Kosovën, ai pretendon se ky vend na siguron se nuk do ta bëjë këtë.

“Ata na sigurojnë se nuk do ta pranojnë Kosovën, dhe këto ngjarje që kemi parë nuk janë sigurisht lajme më të mira për ne. Do të shohim, do të informojmë publikun për këtë”, ka pretenduar Vuçiq./Insajderi.org.