Presidenti i Serbisë, Aleksandar Vuçiq, do të takohet me përfaqësuesit e serbëve nga Kosova në kazermën e Kurshumlisë.

Millovan Drecun, kryetar i komisionit parlamentar serb për Kosovën, ka thënë se “supozon se do të diskutohet situata në Kosovë pas zgjedhjeve dhe të harmonizohen qëndrimet e Listës Serbe me Beogradin zyrtar, sepse shumë e rëndësishme se si do të formohet qeveria, duke marrë parasysh deklaratat që i jep Kurti”.

“Situata është e pasigurt a do të jetë ai i gatshëm të ftojë Listën Serbe të marrë pjesë në formimin e qeverisë” dhe se do të bisedohet për “ndërlikimin e situatës në zgjidhjen e problemit të Kosovës”, dhe se “komunikimi i vazhdueshëm midis Beogradit dhe serbëve të Kosovës është shumë i rëndësishëm”, ka pretenduar Drecun.

Ai thotë se i fton përfaqësuesit institucionalë të serbëve të marrin pjesë në seancat e këshillit për Kosovë dhe pret që ata të deklarohen dhe të paraqesin vëzhgimet dhe problemet e tyre”.

Ai pret që strategjia për periudhën e ardhshme të bëhet me pajtimin e presidentit të Serbisë Aleksandar Vuçiq./Insajderi.org.