Duke folur për takimin e sotëm me delegacionin e Kosovë, Vuçiq ka treguar se delegacionet e Kosovës dhe Serbisë kishin takime përgatitore në mëngjes dhe thotë se atë e ftuan dhe i thanë se takimi trepalësh do të fillojë për 10 minuta.

“Të shkojmë pra, ne jemi gati. Unë nuk kam fjetur gjithë natën duke menduar se çfarë do të bëjmë, hyra i përgatitur për takim, pastaj kuptova se ata u paraqitën me diçka që nuk i kanë treguar as përfaqësuesve të BE në takimin përgatitor”, ka pretenduar Vuçiq.

Ai ka thënë se delegacioni i Kosovës propozoi që në vend të formimit të Asociacionit të Komunave Serbe, të formohet një këshill kombëtar për serbët në Kosovë, ashtu si Serbia ka formuar këshillat kombëtarë për pakicat.

“Ju ndaleni dhe nuk dini nëse duhet të qeshni, qani … Kuptoni se keni punë me njerëz që nuk janë seriozë dhe të përgjegjshëm”, ka thënë Vuçiq./Insajderi.org.