Presidenti serb, Aleksandar Vuçiq, po e fajëson qeverinë kosovare, për sulmet dhe dhunën e grupeve kriminale serbe ndaj KFOR-it në veri.

Në një adresim drejtuar popullit serb ai ka thënë se kanë dislokuar forca serbe, aty ku mendojmë se është e nevojshme.

Duke mos bërë të ditur specifik lokacionin e vendosjes së tyre, ai u shpreh se do t’i vizitojë sonte ata, ndërsa tha se nesër do të ketë një takim me përfaqësues të QUINT-it në Serbi, transmeton klankosova.tv.

”Ne kemi dislokuar forca aty ku mendojmë se janë të nevojshme”.

“Ne do t’i vizitojmë ata sonte dhe nuk do të lejojmë therjen e serbëve. Kam biseduar me zyrtarë ndërkombëtarë dhe nesër duhet të mbahet një takim me përfaqësuesit e Quint-it”, u shpreh Vuçiq.