Presidenti i Serbisë, Aleksandar Vuçiq, ka deklaruar se zgjedhjet në Serbi do të mbahen më 3 ose 17 prill të vitit 2022.

Në Serbi janë të parapara zgjedhjet e rregullta presidenciale, ato për qytetin e Beogradit, si dhe zgjedhjet e parakohshme parlamentare për vitin e ardhshëm.

Duke folur për gazetarët në Beograd, Vuçiq ka thënë se “do të donte që edhe opozita të merrte pjesë në zgjedhje”.

Në qershor të vitit 2020, opozita i ka bojkotuar zgjedhjet në Serbi, me pretendimet se Vuçiq ushtron ndikim të madh në institucionet shtetërore.

Vuçiq tha të mërkurën se pushteti sigurohet duke marrë pjesë në zgjedhje dhe duke i fituar ato./Insajderi.org.