Lëvizja Vetëvendosje konfirmon pjesëmarrjen në protestën e thirrur nga grupi i qytetarëve, kundër siç kanë thënë, korrupsionit e ndikimit të klaneve nëpër institucione, pas nisjes së publikimit të përgjimeve nga Gazeta Insajderi.

Ky subjekt politik  përmes Facebook, duke u bënë thirrje aktivistëve të tyre që të marrin pjesë në këtë protestë.

“Lëvizja VETËVENDOSJE! fton aktivistët e saj dhe të gjithë qytetarët e Republikës që t’i bashkohen protestës së paralajmëruar nga përfaqësues të Shoqërisë Civile, që do të mbahet nesër (e premte) në orën 18:00 në Prishtinë!”, njofton VV.

Protestuesit e mbledhur pritet të marshojnë deri tek ndërtesa e Qeverisë së Kosovës. Organizatorët e protestës kanë krijuar një ‘lajmërimin” në rrjetin social Facebook, ku ftohen qytetarët për protestë.

“Pas skandaleve të fundit të përgjimeve ku po shihet hapur ndikimi illegal i politikanëve të korruptuar në të gjitha institucionet pa dallim, qytetarët e Kosovës protestojnë nën parullën: #protestoj,” sqarohet në atë faqe. /Insajderi.com