Vendimi i liderit të AAK-së, Ramush Haradinaj që të shkoj në takim me presidenten e Kosovës, duke injoruar vendimin e prerë të dy partive të tjera opozitare NISMA dhe VV, ka lënë pa koment dy partitë refuzuese.

Insajderi ka kontaktuar me  Jakup Krasniqin nga NISMA dhe Frashër Krasniqin nga VV-ja.

Krasniqi nga NISMA nuk ka dashur të komentoj vendimin e Haradinajt.

“Nuk kam qenë shumë i përfshirë në këtë çështjen e bisedimeve andaj edhe nuk mund të them asgjë, për momentin”, ka thënë Krasniqi nga NISMA.

Koment për këtë vendim të Haradinajt nuk ka dhënë as zëdhënësi i VV-së, Frashër Krasniqi.

“Nuk kemi ende qëndrim zyrtar për këtë vendim”, ka thënë Krasniqi.

Përndryshe, nesër e hënë në Presidencën e Kosovës në orën 9:00, Atifete Jahjaga pret në takim liderët e pozitës dhe tashmë nga opozita, liderin e AAK-së Ramush Haradinaj. Aty do të jetë pjesmarrës edhe ambasadori amerikan në Kosovë.