Agim Pllashniku, veteran i Ushtrisë Çlirimtare të Kosovës dhe punonjës i Ndërmarrjes Hidroekonomike “Ibër Lepenc”, është larguar nga puna pak ditë pasi ballafaqoi publikisht deputeten e Lëvizjes Vetëvendosje, Fitore Pacolli, lidhur me ndarjen e mjeteve për familjarë.

Largimi i tij ka nxitur reagime.

Deputetja e PDK-së, Blerta Deliu-Kodra, e ka quajtur këtë një akt të turpshëm hakmarrjeje ndaj një qytetari që guxoi të shprehë të vërtetën.

“Aq larg ka shkuar ky pushtet në ikje, sa që po ndëshkon edhe ata që dhanë jetën për këtë vend, vetëm pse guxojnë të thonë të vërtetën. Largimi nga puna i veteranit të UÇK-së, Agim Pllashniku, është dëshmi e një pushteti që ka humbur kontaktin me realitetin dhe me dinjitetin,” ka deklaruar Deliu.

Ajo shtoi se kur luftëtarët e lirisë ndëshkohen, ndërsa të korruptuarit mbrohen, drejtësia bie dhe vlerat kombëtare nëpërkëmben.

“Sot jemi me Agimin. Me çdo qytetar që padrejtësisht shtypet, për të mbrojtur interesat e një pushteti të korruptuar në rënkimet e fundit. Kosova meriton më shumë. Kosova meriton më mirë,” shkroi ajo.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!