Vetëvendosje pretendon se një asambleist i Partisë Demokratike të Kosovës ka rrahur një vajzë të mitur në Rahovec.

Në media ka qarkulluar një video në të cilën shihen dy-tre persona duke rrahur një vajzë të mitur. Ngjarja ka ndodhur në afërsi të një shkolle në Rahovec, raporton Insajderi.

Sipas zëdhënësit të VV-së, Frashër Krasniqi, njëri nga personat që rrahu vajzën e mitur është asambleist i PDK-së.

“Personi që e kishte rrahur vajzën në Rahovec është asambleist i PDK-së”, thotë Krasniqi, i cili më tej insiston se ky person do duhej të ishte arrestuar nga autoritetet kosovare, mirëpo sipas tij kjo nuk është bërë pasi PDK kontrollon edhe sistemin e drejtësisë.

Ai thotë se Policia e Kosovës është e kontrolluar nga partia që udhëhiqet prej kryeparlamentarit, Kadri Veseli.

“Policia që do të duhej ta mbante të arrestuar është e kontrolluar nga PDK. Gjykata që do të duhej ta dënonte, është e kontrolluar nga PDK”, ka thënë zëdhënësi i VV-së. /Insajderi.com

Xhaxhai rrah brutalisht mbesën 16 vjeçare