Visar Ymeri ka shprehur shqetësimin e tij rreth zhvillimeve të fundit politike, duke paralajmëruar mundësinë e një krize institucionale nëse nuk konstituohet Kuvendi më 15 prill, datë që sipas tij duhet të ishte momenti i funksionalizimit të institucioneve pas zgjedhjeve.

“15 prilli do të duhej të ishte data kur konstituohet Kuvendi. Unë shpresoj dhe i bëj ftesë të gjithë deputetëve që ta tejkalojnë këtë”, deklaroi Ymeri në Paparaci.

Ai kritikoi qasjen e Lëvizjes Vetëvendosje, duke e cilësuar jo demokratike.

Sipas Ymerit, deklarata e Glauk Konjufcës që sugjeronte se nëse nuk ka Kuvend që voton qeverinë, atëherë s’ka as arsye për konstituim të tij është një sinjal i qartë i bllokimit të procesit politik.

“Po e përafrazoj. Kjo është qasje shumë problematike. Ai po paralajmëron bllokim. Ti kur nuk i ke numrat duhet me lëshu rrugë, le të provon dikush tjetër”, shtoi ai.

Ymeri e cilësoi këtë qasje si një cënim të drejtpërdrejtë ndaj demokracisë dhe funksionimit institucional të vendit.

“Ky cënim i demokracisë që i bëhet institucioneve është një hap më larg interesave të Kosovës”, përfundoi ai.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!