Ish-kryetari i Kuvendit të Bashkësisë Islame të Kosovës, Xhabir Hamiti, ka thënë se sulmet e terrorit qe kanë ndodhur kohët e fundit, përfshirë ato në Bruksel dhe Turqi, janë të pajustifikueshme.

“Pamjet e muajve dhe ditëve të fundit, të njëpasnjëshme të terrorit ndaj njerëzve të pafajshëm e në pabesi, duke përfshirë gra e fëmijë si dhe kalimtar të rastit, siç ishte edhe terrori i djeshëm në Bruksel pas atyre të Turqisë, për çfarëdo kauze që ato mund të shtyhen e bëhen, nuk mund të justifikohen në asnjë mënyrë dhe asnjë normë njerëzore, e aq më pak kur ato bëhen në emër të Zotit”, ka thënë ai.

Sipas tij, “bota e arsyeshme […]duhet të ulet dhe mendoj seriozisht për të bërë gjithçka që është e mundur në parandalimin e akteve të tilla barbare, të cilat rrisin urrejtjen racore dhe fetare në Evropë dhe më gjerë, epilogu i të cilave do të ishte i dhimbshëm për të gjithë dhe pa dallim.”

Këto komente ai i ka bërë përmes llogarisë së tij në Facebook, vetëm një ditë pas sulmeve terroriste në Bruskel ku humbën jetën dhjetëra persona dhe shumë të tjera u lënduan.

“Individualisht dhe kolektivisht duhet të angazhohemi në maksimum për ruajtjen e fëmijëve tanë që të mos bien pre e grupeve të tilla ideologjike trushpërlarëse , të cilat më së paku kanë të bëjnë me fenë dhe Zotin ! Mënyra më e mirë preventivës së rrëshqitjes fëmijëve dhe të rinjve tanë në këtë katrahurë është edukimi dhe informimi i drejtë për të mos instrumentalizuar në asnjë formë indoktrinimin fetar në dëm të tjetrit”, ka shkruar ai.

IN Promo Marketing

Pijet Tona, Shija Juaj!

Udhëto nga Baseli drejt Prishtinës, përfitoni nga ofertat speciale!

Suksesi i radhës për ‘R & Rukolli Group’: Pijet e reja depërtojnë në tregun gjerman