Kandidati për deputet nga radhët e Lidhjes Demokratike të Kosovës (LDK), Xhafer Gashi, së bashku me kandidaten për deputete, Linda Bekteshi, zhvilluan sot një takim me bujqit e Komunës së Obiliqit.

Gashi përmes një shkrimi në “Facebook”, potencoi rëndësinë e bujqësisë për ekonominë e Kosovës dhe shpalosi para bujqve programin e LDK-së për zhvillimin dhe mbështetjen e këtij sektori jetik.

“Bujqësia mbetet një nga shtyllat kryesore të ekonomisë sonë dhe një sektor me rëndësi jetike për mirëqenien e qytetarëve. LDK-ja është e përkushtuar të ofrojë më shumë investime, mbështetje financiare dhe masa lehtësuese për fermerët, për rritjen e prodhimit vendor dhe fuqizimin e ekonomisë rurale,” shkroi ai.

Sipas tij, takimi u mirëprit nga bujqit e Obiliqit, të cilët ndanë sfidat e tyre dhe shprehën besimin në vizionin e LDK-së për të ardhmen e Kosovës.

“LDK-ja mbetet e përkushtuar për rritjen e subvencioneve dhe krijimin e mundësive të reja për fermerët kosovarë”, tha Gashi.