Lideri i mesfushës së Bayer Leverkusenit, Granit Xhaka, ka kërkuar angazhim maksimal nga bashkëlojtarët për ta fituar ndeshjen ndaj Holstein Kielit të shtunën.

Leverkuseni dhe Kieli takohen në “BayArena”, në kuadër të javës së gjashtë të Bundesligës gjermane. Nëse kemi ndjenjën se mund të fitojmë kundër keilit të shtunën vetëm duke dhënë 70 për qind, kjo do të jetë e gabuar. Ne respektojmë çdo kundërshtar. Të gjithë kanë cilësitë e tyre, të mirat dhe këqijat, qoftë Milani, Bayerni apo Kieli”, ka thënë Xhaka për “Kicker”.

Ai ka theksuar vetëm duke dhënë 100 për qind, Leverkuseni mund ta fitoj përballjen ndaj Kielit. “Nëse luajmë lojën tonë duke dhënë 100 për qind nga vejta, jam i bindur se mund ta mposhtim Kielin, por 90 për qind nuk mjafton”, ka theksuar Xhaka.

Leverkuseni fitoi një pikë në ndeshjen kundër Bayern Muenchenit, ndërsa mposhti Milanin në Ligën e Kampionëve. “Nuk duhet ta nënvlerësojmë kundërshtarin. Kjo ishte edhe arma jonë në sezonin e kaluar. Nuk jam shumë i shqetësuar për këtë sepse kemi mjaft lojtarë me përvojë” ka thënë Xhaka.

Kampioni i Gjermanisë është në vendin e katërt me dhjetë pikë, tri më pak se lideri, Bayern Muencheni. Holtein Kiel është në vendin e fundit me një pikë.