Kryeministri i Shqipërisë, Edi Rama ka postuar një video në rrjetin social Facebook, ku shihen dy parashutistë me flamujt e Kosovës dhe Shqipërisë.

Kjo video është bërë për nder të festës së 28 nëntorit.

“Xhamadani vija-vija o është Kosova është Shqipëria”, ka shkruar Rama krahas videos së postuar.

Kujtojmë se si çdo vit, Vlora, qyteti simbol i shpalljes së Pavarësisë së Shqipërisë mirëpriti sot në përvjetorin e 112 qindra qytetarë në ceremonialin shtetëror të ngritjes së Flamurit.

Në këtë ceremoni Kryeministri i Shqipërisë Edi Rama u shfaq krah personaliteteve më të larta politike të Shqipërisë dhe Kosovës, e cila u përfaqësua nga kryeministri Albin Kurti.