Kandidati i PDK-së për deputet, Selver Xhelili ka thënë se angazhimi dhe besimi i palëkundur për PDK-në janë më të forta se kurrë.

Xhelili sot ka vazhduar fushatën në Pjetërshticë të Shtimes.

“Dy ditë para zgjedhjeve parlamentare në Kosovë, isha i nderuar të takoja përkrahësit e Partisë Demokratike të Kosovës në Pjetërshticë të Shtimes, ku angazhimi dhe besimi i palëkundur për PDK-në është më i fortë se kurrë. Ju falënderoj nga zemra për mobilizimin e jashtëzakonshëm dhe për gatishmërinë tuaj për të dhënë një mesazh të fortë, duke marrë pjesë masivisht në zgjedhjet e 9 shkurtit 2025”, ka thënë Xhelili.

“Kur një parti si PDK-ja, mbjell shpresë dhe vizion për një Kosovë më të mirë, ajo ndriçon rrugën e qytetarëve, të cilët, të motivuar nga nevoja për ndryshim, e përqafojnë atë masivisht si një dritë në fund të tunelit, nga zhgënjimi masiv me populistët pa vepra”, ka thënë ai.