Kandidati i PDK’së për deputet, Selver Xhelili, ka vizituar sot zyrën e OVL’së në Prishtinë, ku ka uruar Hysni Gucatin si kryetar i kësaj organizate.

Ai u zotua se kur të bëhet deputet do të jetë zëri i kërkesave të veteranëve të UÇK’së.

“Sot vizitova Zyrën e OVL-së në Prishtinë, duke e uruar Hysni Gucatin për detyrën si kryetar i Organizatës së Veteranëve të Luftës së Ushtrisë Çlirimtare të Kosovës dhe duke u zotuar si kandidat për deputet, se do të jem zëri i kërkesave të veteranëve të UÇK-së në Kuvendin e Kosovës, konfirmimin për programin e PDK-së në rritjen maksimale të pensioneve dhe lejimin për të punuar pa e rrezikuar fare pensionin. Është krenari të jesh me një kryetar që e bën punën ashtu siç duhet, duke i mbrojtur vlerat e luftës dhe veteranët, duke dhënë kontributin e veçantë edhe sot.”