Valon Demolli, shef i asamblistëve të Lidhjes Demokratike të Kosovës (LDK) në Podujevë, ka denoncuar shpenzimet e xhipit të kryetarit të kësaj komune, Shpejtim Bulliqi.

Sipas një postimi në ‘Facebook’ të Demollit, përbrenda tre muajsh xhipi i zi i Bulliqit të VV’së i “përpiu” 2600 euro për dy servise të rregullta, shkruan Gazeta Insajderi.

“Për dy servise të “rregullta” brenda vetëm tre muajve për xhipin e zi të Shpejtim Bulliqit të LVV-së nga taksat tona komuna e Podujevës ka paguar rreth 2600 euro”, thuhet në postimin e tij.

“Të mos harrojmë kjo kontratë menaxhohet nga ish kryetari i pikës së LVV-Podujevë, tani shofer në Komunën e Podujevë”, vijon postimi i tij.

Në dokumentet që ia ka bashkëngjitur postimit, shihet se Bulliqi i ka bërë llojlloj riparimesh që ta ketë veturën në gjendje sa më komode. /Insajderi.org/