Brabus ka zbuluar një tjetër version të jashtëzakonshëm të Mercedes-AMG G63, të cilin e ka quajtur XL 800.

XL 800 paraqet një numër modifikimesh, duke përfshirë një pezullim të ri me boshte portale, një komplet karrocerie prej fibrash karboni, një interier të ripunuar dhe një motor V8 me dy turbo që tani zhvillon 800 kuaj fuqi.

Në thelb është një G-Class për dikë që e gjen G63 standarde shumë delikate, transmeton Telegrafi.

Brabux XL 800 është rritur me 119 mm krahasuar me Mercedes-AMG G63 4×4² të fabrikës, kështu që lartësia nga toka tani është 470 mm.

Kjo u bë e mundur nga një pezullim i ri me boshte portale, një bosht i përparmë i personalizuar dhe një version special i amortizatorëve dhe sustave RideControl të Brabus.

Ky “përbindësh off-road” është i pajisur me kompletin e karrocerisë Brabus Widestar, gjë që e bën atë edhe më tërheqës për syrin.

Hapësirat e gjera të parakolpit me vrima ajrimi të integruara janë bërë nga fibra karboni, duke u përputhur me kapakun e motorit dhe parakolpët sportivë.

Drita shtesë LED janë vendosur në çati, ndërsa në pjesën e pasme ka një krah të pasmë.

Shtesat më të rëndësishme janë mbrojtësja e përparme, tubat e shkarkimit të montuara anash, shkallët anësore të tërheqshme dhe emblemat e shumta të Brabus në karroceri.

SUV-i “mbështetet” mbi një set të ri fellnesh të farkëtuara Brabus Monoblock Z/HD 22-inç, mbi të cilat janë vendosur goma për të gjitha terrenet Pirelli Scorpion.

Ndryshe nga shumica e versioneve të G-Class, XL 800 nuk ka një gomë rezervë me madhësi të plotë të montuar në derën e bagazhit.

Pjesa e brendshme i është nënshtruar trajtimit të famshëm “kryevepër” nga Brabus, i cili përfshin lëkurë gri të qepur, shumë detaje karboni dhe një çati Dinamica.

Nën kapakun e motorit ndodhet një version i përmirësuar i motorit 4 litërsh V8 me dy turbo të AMG-së, i cili zhvillon 800 kuaj fuqi.

Edhe pse Brabus ofron versione edhe më të fuqishme të G-Class, kjo fuqi është ende e mjaftueshme për të përshpejtuar SUV-in nga 0 në 100 km/orë në 4.6 sekonda dhe për të arritur një shpejtësi maksimale prej 210 km/orë. Brabus nuk e njoftoi qartë çmimin.

IN Promo Marketing

Furnizohu sot, dhuro shpresë nesër

Kompleksi JONI – Jetë e qetë në zemër të “Prishtinës së Re”

VIPA sjell risi në treg: MAXI tashmë i disponueshëm me dy shije të reja