Mbrojtësi i majtë i Bayern Munichut, Alphonso Davies thuhet se ka pranuar t’i bashkohet Real Madridit.

24-vjeçari kanadez është nën presion të madh nga klubi i tij aktual, pasi Bayern nuk dëshiron ta lërë të largohet.

Gjigantët gjermanë i kanë ofruar mbrojtësit një kontratë të re me kushte të përmirësuara financiare, por Real Madrid ka besim se Davies përfundimisht do të nënshkruajë me klubin spanjoll.

Sipas gazetës Marca, Davies i ka thënë ‘po’ Real Madridit rreth kushteve personale dhe gjithçka pritet të finalizohet me transferimin e tij falas në verë.

Ndryshe, kontrata e tij aktuale me Bayernin skadon në fund të këtij sezoni. Mbrojtësi i talentuar është me klubin e Mynihut që nga janari i vitit 2019.

🚨 Alphonso Davies has said YES to a move to Real Madrid. 🇨🇦🤍

The terms of a potential future contract have already been agreed. ✍️⏳

(Source: @marca ) pic.twitter.com/QMaX3pHdus

— Transfer News Live (@DeadlineDayLive) January 16, 2025