Kryetari i Lëvizjes Vetëvendosje, Visar Ymeri, ka reaguar në lidhje me vendosjen e përmendores së ‘Car Lazarit” nesër në veriun e Mitrovicës.

Ymeri nëpërmjet një statusi në Facebook ka shkruar se me ngritjen e kësaj përmendoreje dëshmohet karakteri shovinist i “Zajednicës” si projekt.

“Veprimet kolonialiste të Serbisë kanë qenë përherë të përcjellura nga retorika shoviniste që nxitë urrejtje për të tjerët, teksa viktimizon veten. Përmendorja e Car Lazarit që u ngrit sot në Mitrovicë dëshmon karakterin shovinist të “Zajednicës” si projekt. “Zajednica” dhe “Lugina e Diellit” janë qëllimet, fryma shoviniste me Car Lazarin është arsyetimi”, ka thënë ai.

“Por, këto projekte s’do të kishin vend në Kosovë pa treshen e bashkëpunëtorëve Mustafa-Veseli-Thaçi. Këta politikanë, për pushtetin e tyre personal po i shtrojnë rrugën pushtetit të Serbisë në Kosovë.”

Qytetarët serbë nesër do të shënojnë ditën e “Vidovdanit”, e cila do të shënohet në Kosovë, në Gazimestan. /Insajderi.com

IN Promo Marketing

Furnizohu sot, dhuro shpresë nesër

Kompleksi JONI – Jetë e qetë në zemër të “Prishtinës së Re”

VIPA sjell risi në treg: MAXI tashmë i disponueshëm me dy shije të reja