Kryetari i Lëvizjes Vetëvendosje, Visar Ymeri, ka thënë se dorëheqja e Adem Grabovcit nga pozita e shefit të Grupit Parlamentar të Partisë Demokratike të Kosovës nuk është e mjaftueshme.

Ai në një intervistë për Ora News ka thënë se përgjimet telefonike që po publikohen nga Insajderi tregojnë për kapjen e shtetit dhe të drejtësisë nga presidenti i vendit Hashim Thaçi dhe kryetari i Kuvendit të Kosovës, Kadri Veseli.

Adem Grabovci, protagonist kryesor i Dosjes së Shefave – një seri përgjimesh telefonike të publikuara nga Gazeta Online Insajderi ku dëshmohet se si zyrtarë të lartë të Partisë Demokratike të Kosovës shtrijnë ndikimin në institucionet e pavarura të vendit – ka dhënë dorëheqje nga pozita e shefit të Grupit Parlamentar të kësaj partie të martën.

Ai ka njoftuar se dorëheqja e tij vije si pasojë e publikimit të këtyre përgjimeve, pasi që sipas tij, “këto kanë krijuar një ambient jo të këndshëm për opinionin publik, institucionet e vendit, PDK-në, por edhe për mua dhe familjen time.”

Menjëherë pas dorëheqjes së Grabovcit, Lëvizja Vetëvendosje ka kërkuar dorëheqjen dhe arrestimin e presidentit të Kosovës, Hashim Thaçit dhe kryeparlamentarit Kadri Veseli, duke thënë se Grabovci ka qenë vetëm ekzekutues i urdhrave të tyre.

IN Promo Marketing

Meridian Express feston 13 vite me shpërblime, çmime të lira dhe risi për klientët besnikë!

Udhëto drejt Evropës me çmimet më të lira në treg – EphesusTravel hap sezonin e ri për udhëtime, akomodim dhe...

Frostea prezanton pamjen e re – e njëjta shije e mrekullueshme që e do!