Deputeti i Nismës për Kosovën, Zafir Berisha, ka thënë se ish-kreu i PDK-së, Hashim Thaçi, ka devijuar nga rruga të cilën e kishte nisur që nga koha kur ishte përfaqësues politik i Ushtrisë Çlirimtare të Kosovës.

Në emisionin “Personale” në TV Dukagjini, Berisha ka dhënë detaje për jetën dhe vdekjen e komandant Drinit por edhe të bashkluftarëve të tjerë të UÇK-së.

“Unë kam shumë fjalë për të, por do ta them së është një njeri që ka dalë nga udha e zotit dhe nuk është duke e ditur as çka është duke bërë. Deri në vitin 2002 apo 2003, ai ka qenë krejt tjetër njeri”, ka thënë shkurt Zafir Berisha.

Ai ka rrëfyer se si ishte përjashtuar nga shkolla për shkak se e kishte shkruar parullën ‘Kosova Republikë’.

Zafir Berisha më herët kishte qenë bashkpartiak i Hashim Thaçit në Partinë Demokratike të Kosovës. /Insajderi.com