Kandidati për deputet nga radhët e Nismës Socialdemokrate me numrin 14, Zafir Berisha, ka ftuar qytetarët që ta mbështesin koalicionin e veprave të mëdha me numër 137.

Berisha ka thënë se pas sakrificave të mëdha, AAK-Nisma-Konservatorët-Intelektualët janë bërë bashkë për të ndërtuar një të ardhme të re për Kosovën.

“Sot, pas gjithë sakrificave të mëdha dhe mundit të pashoq që kemi bër së bashku, jemi këtu për të ndërtuar një të ardhme të re për Kosovën. Por, liria që arritëm nuk është fundi, është vetëm fillimi. Tani është koha për të ndërtuar një shtet të fortë, të drejtë dhe të bashkuar, ku çdo qytetar, pa dallim, të ketë mundësi të barabarta dhe një jetë më të mirë”, deklaroi ndër të tjera Berisha.

“Ju ftoj që bashkë, të ecim përpara, të mbrojmë atë që kemi arritur dhe të mundësojmë një të ardhme të denjë për fëmijët tanë. UÇK-ja luftoi për liri, dhe sot ne do të luftojmë për një Kosovë të zhvilluar dhe të integruar në strukrurat euroatlantike”.