Kandidati për deputet nga radhët e koalicionit AAK-Nisma, Zafir Berisha, tha se sot në Prizren kanë marrë mbështetje masive.

Sipas tij tubimi në Prizren ishte dëshmia më e mirë se nga 9 shkurti Kosova do të ndryshoj për të mirë.

“Mbështetja masovike sot në Prizren për Kosovën Fituese 137, është dëshmia më e mirë se nga 9 shkurti Kosova do të ndryshoj për të mirë! Prizreni qyteti i krenarisë shqiptare sot vendosi të rreshtohet me njerzit e veprave të mëdha siç jan Ramush Haradinaj dhe Fatmir Limaj. Prizreni vërtet është qyteti i i kulturës, tolerancës dhe bashkëjetesës në mes nacionaliteteve, por ky qytet nuk duron ofendimet dhe talljet që i bëhet nga ai që jeton me qiraxha në vendin tonë, dhe për këtë ka vendosur me i dhën përgjigjen me 9 shkurt”, shkroi ai.