Një listë e ndjerë nga ata që janë në fund të jetës së tyre, që na kujton çfarë ka rëndësi me të vërtetë.

Të gjithë kemi menduar, qoftë edhe një herë: “Ah, sikur ta dija tani për çka do të pendohem më vonë!”

E vërteta është se ata që kanë më pak kohë, shpesh e dinë shumë mirë çfarë do të donin të kishin bërë ndryshe. Dhe fjalët e tyre janë si një alarm për ne të tjerët që ende kemi kohë.

Autori dhe motivuesi Matthew Kelly ka ndarë në një video në YouTube një listë të dhimbshme por të vlefshme: 24 pendime të zakonshme që njerëzit ndajnë në momentet e fundit të jetës, të mbledhura përmes bisedave me infermierët.

Një pjesë e tyre janë më të zakonshme sesa mund ta mendosh:

• “Do të doja të kisha pasur kurajë të isha vetvetja.”
• “Do të doja të kisha kaluar më shumë kohë me njerëzit që dua.”
• “Do të doja të mos kisha punuar kaq shumë.”
• “Do të doja të kisha dashur më shumë, të isha kujdesur më shumë për veten, dhe të isha një partner më i mirë.”

Të tjerë janë penduar për gjëra më të thella:

• Që nuk e zbuluan më herët qëllimin e tyre në jetë.
• Që nuk mësuan të shprehnin ndjenjat.
• Që nuk udhëtuan më shumë.
• Që nuk jetuan në moment.
• Që nuk e lanë punën që urrenin për të ndjekur ëndrrat.

Një nga më të fortat ishte:
“Do të doja të kisha kuptuar më herët që lumturia është një zgjedhje.”

Disa të moshuar të intervistuar nga një përdorues në TikTok ndanë mendime të ngjashme:
Një grua 79-vjeçare tha se paratë “e lehtësojnë jetën, por nuk garantojnë gëzim.” Një burrë rrëfeu: “Kur je i ri, mendon për shtëpi të madhe, makina, pasuri… por kupton vonë që jeta s’ka të bëjë fare me këto.”

Matthew Kelly e përmbyll me një mesazh që s’të lë indiferent:
“Disa mendojnë se është morbide të mendosh për vdekjen. Por është e shëndetshme. Të kujton çfarë ka rëndësi.”

Dhe ndoshta, pyetja më e rëndësishme që mund t’ia bësh vetes sot është:
A e pe veten në ndonjërën nga këto pendime?

Sepse ende ka kohë për të ndryshuar rrugën.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!