Zëdhënësi i lëvizjes Vetëvendosje, Frashër Krasniqi, i ka sjellë ndër mend ambasadorit britanik në Kosovë, Ruari O’Connell, për nepotizmin në Partinë Demokratike të Kosovës dhe njëkohësisht i ka bërë një pyetje atij.
“Nuk po e kuptoj nëse ambasadori britanik e di këtë hipokrizi, apo thjeshtë po u ndihmon ta tejkalojnë këtë fazë të vështirë skandalesh?!”, ka thënë ai.
“Ndërkohë që u japin djemve e vëllezërve tenderë, Mustafa, Thaçi e Veseli, nënshkruajnë memorandume kundër korrupsionit. Ndërkohë që i punësojnë militantët e familjarët, pa konkurruar fare, të njëjtit nënshkruajnë memorandume kundër nepotizmit”, ka thënë Krasniqi.
O’Connell ka reaguar sot për herë të parë për skandalin e përgjimeve – “Dosja e Shefave”, për të cilin ka thënë se “kështu nuk funksionon shteti dhe kjo shkon në dëm të Kosovës”. /Insajderi.com
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
