Florian Dushi, i cili mban postin e zëvendësministrit të Drejtësisë, ka thënë se, përveç duartrokitjeve që iu bën trenit kur u nis në Beograd, kishte edhe prej atyre që mezi prisnin që treni të hynte në Kosovë, duke aluduar në Vetëvendosjen.

Sipas Dushit, krejt kjo me të vetmin qëllim – që të kontestohej shtetësia e Kosovës.

“Paramendoni, treni u nis me duartrokitje nga Beogradi, dhe, gati sa nuk u prit me duartrokitje në Prishtinë (edhe pse treni do të ndalej në Mitrovicë), krejt kjo me një qëllim të vetëm, kontestimi i shtetësisë së Kosovës. Por, ja që shteti veproi, dhe në mungesë të trenit, ata mund të vazhdojnë jetën e tyre të lumtur me autobusët e tyre”, ka shkruan zv/ministri i Drejtësisë, Florian Dushi, i cili vjen nga LDK-ja./Insajderi.com