Policia e Kosovës ka njoftuar për një rast të zhdukjes së një gruaje në komunën e Drenasit, që dyshohet të ketë ndodhur në orët e hershme të së enjtes.
Sipas raportit zyrtar, rreth orës 03:00 të mëngjesit është raportuar largimi i një gruaje kosovare nga shtëpia e saj, dhe deri më tani ajo nuk është kthyer.
“Është raportuar se nga shtëpia është larguar viktima – femër kosovare dhe deri më tani nuk është kthyer. Me urdhër të prokurorit kujdestar është iniciuar rasti dhe hetimet janë në zhvillim,” thuhet në njoftimin e Policisë së Kosovës.
Autoritetet kanë nisur hetimet dhe janë duke punuar për zbardhjen e rrethanave dhe lokalizimin e të zhdukurës.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
