Edon Zhegrova ka bërë një postim në rrjetet sociale, një ditë pasi shkëlqeu në derbin e veriut në Ligue 1.

Të premten mbrëma, Lille triumfoi në shtëpi me rezultatin 2:1 ndaj Lens, ndeshje në të cilën shkëlqeu ylli kosovar.

Zhegrova ishte autor i të dy golave të fitores dhe padyshim më meritori në triumfin e skuadrës së Paulo Fonsecas.

Reprezentuesi i Kosovës ka publikuar disa fotografi në llogarinë e tij në “Instagram”, ku ai shihet duke festuar.

“Veriu është i kuq. Një natë për t’u mbajtur mend. Faleminderit të gjithëve”, shkroi Zhegrova.